Jinghpaw Wunpawng Hkalup Hpung (Singapore) A Lam

Shawng ning nan “Jinghpaw Wunpawng Hkalup Hpung (Singapore)” hpe lam woi ning shawng tai ya nga ai Hpan wa Ningsang Karai Kasang hpe chyeju shakawn nngai. Karai Kasang a Chyeju Hpung Shingkang arawng sadang gaw htani htana anga nga u ga law.

Jinghpaw Wunpawng Hkalup Hpung (Singapore) a lam hpe kadun ai hku shachyen ga nga yang, laiwa sai aten hta lam amyu myu hte sa du nga ai Hpung woi Sara/num ni hte Hpu Shawng Hpu ba ni hku nna shawng lam hpe myit yu, mu mada let Jinghpaw Wunpawng Hkristan Kanawn Mazum Hpung hpe 1994 ning hta woi awn hpaw sa wa saga ai re. Nawku na shara mung hkrak nlu ai majaw shara hte shara htawt hkawm nna nawku dawjau lai wa saga ai re. Mayak mahkak lam amyu myu kaw na Karai Kasang a lam woi ningshawn tai ya ai gaw mauhpa wa rai nga malit dai rai.

Dai ni na ten hta gaw, Singapore du Jinghpaw Wunpawng hpung masha law jat wa ai hte, Singapore Mungchying masha hkam la sai ni, Permanent Residence lu la da sai ni mung law wa magang sai hku re. Magam bungli sa galaw ai hku, Jawng lung hpaji sharin ai hku, Karai Chyum Hpaji sharin ai hku hte lam amyu myu hku nna sadu nga sai kanu kawa hpu nau ni mung grau grau nna law jat wa nga ai majaw mung Karai Kasang a chyeju hpe shakawn nma rai nga nngai law.

Ndai zawn, Karai Kasang a chyeju san san hte Singapore mungdan hta du wa nga sai Hpung masha n-gun law wa ai hte maren, 2011 Ning kaw nna “Jinghpaw Wunpawng Hkalup Hpung” ngu nna Buga hpung madang de anhte sit shang wa lu saga ai. 2012 ning, November 16 ya shani gaw Singapore Mungdan a htung tara ngai ai hte maren Church Registration hpe Registry of Society kaw tara shang register galaw da lu ai mung Karai Kasang a chyeju san san nan rai nga malit dai rai.

Dai ning gaw, Singapore du Jinghpaw Wunpawng Hpung masha ni Hkristu hta langai sha tai let Hkum hkrang langai hku na Karai Kasang hpe nawku dawjau sa wa lu ai gaw 20 ning hpring nga lu saga ai law. Lai wa sai 20 ning laman, mayak jamjau lam amyu myu lapran apnawng woi awn lai wa ya sai Magam gun Hpung woi Sara/num ni hte Hpu shawng hpu ba ni yawng hpe mung myit kraw lawang kaw nna ndang tsun hkra chyeju dum ai lam Jinghpaw Wunpawng Hka Lup Hpung (Singapore) a malai chyeju dum let shagrau dat nngai law.
 
Hkristu hta,
 
Slg. Lanan Hkun Nawng
Hpung Ningbaw

 OUR MISSION

We exist to make Jesus known.

 
prayerwarriors
 

 PRAYER WARRIORS

Akyu hpyi ai lam gaw anhte kam sham ni Karai Kasang hte ading tawk matut mahkai ga shaga lu ai lam rai nga ai. “Dai majaw ngai nanhte hpe tsun made ai gaw, Nanhte hpyi mahpyi hte ra mara lu na ra ai, ngu nna kam sham nga mu: shingrai jang, nanhte lu la na myit dai.” Marku 11:24 kaw mung ndai zawn tsun da nga ai. Anhte nawku hpung masha ni akyu hpyi ai lam hta sharawng awng let, laban shana de shagu nawku jawng nhpang shi ai ten hta nawku hpung a matu, amyu sha ni a matu, galaw nga ai sasana ginra ni a matu, nawku hpawng lamang hte akyu hpyi ra ai lam ni hpe akyu chyawm hpyi ai lam galaw nga ga ai.
Bat kru ya shana shagu Choir shaman nhpang shi ai shaloi, chyum laika sharin hte akyu hpyi ai lam galaw nga ga ai.
Kam sham ai hpu nau ni e, anhte arau sha hkrum zup nna, myit mang ai lam langai hte Karai Kasang hpang de akyu hpyi sit shang ga law.

 
prayercell
 

PRAYER CELLS

Hkam la lu ai Karai Kasang a mungga hte maren shani shagu na tinang a asak hkrung hkawm sa ai lam hta ta tut  mu lu ai, hkam la lu ai mahkrum madup ni hpe shada da garan kachyan sak se hkam let wenyi hta su hprang ai ni, wenyi n-gun lagaw rawng ai ni tai wa nhtawm awng dang ai asak hkrung lam hpe lu la na matu rai nga ai. Ja chyum mungga garan kachyan ai 30 minutes rai nna, mahkawn shakawn sak se hkam kyu hpyi ai hpe kadai rai timung shang lawm let n-gun jaw, n-gun la rai nna, Hkristu hta kanawn mazum hku hkau lu na matu madung dat ai re. Yawng hpe hkap tau la nga ga ai.Hpung masha ni nga ai shara hta hkan nna (1) Jurong kyu hpyi lakying (Sinna maga lawk), (2) Bedok kyu hpyi lakying (Sinpraw maga lawk) hte (3) Yishun kyu hpyi lakying ngu nna lawk masum(3) garan nna jawm nawku nga ga ai.
 
 
idp
 

OUTREACH

 9 Jun 2011 shani hta byin hpang wa ai Sanggang kasat gala majan  gaw,  17 ning gap hkak jahkrin da ai simsa lam hten bya  mat wa na,  si nat mahku  nsen ni bai ngoi pru wa  sai re.Dai majan byin hpang wa ai kaw na gaw,  mungmasha ni gaw tinang dum nta, U, wa yamnga, yi, sun hte hkauhting hkauna ni hpe tawn kau da nhtawm, asak lawt daw hprawng bra pru wa ma sai.
Dai hpyen yen, Internally Displaced Persons (IDPs),  ni gaw, ya a ten du hkra nga yang sen kaba hku rai taw nga sai re.
Masha hku yu yang, ma htai (Solution) gaw chyip chyip rai taw nga ai.  Rai tim an hte WunPawng myu sha ni hpe la ta la ai, an hte kam hpa taw nga ai Karai Kasang gaw hpa mung dang di ai wa re. Shi kaw ma htai nga ai. Shi kaw yaw sha da  ai lam nga na re hpe an hte ni ja ja kam ga ai.
 
 
 
 

Dai mungdan a kabu gara shiga gaw, masha amyu baw shagu a matu mara sake tai lu u ga.

Mahte 24:14a

LEADERSHIP TEAM

Meet the KBCS leadership team

chairman

Slg. Lanan Hkun Nawng Hpung Ningbaw 

pastor1

Sr. Zinghang Gam Htun  Amu Madu & 
Hpung Sara

treasurer

Slg. Maran Naw Di  
Hpung Kung Hting

pastor2

Srn. Lasi Hkawn Awng
Hpung Sarama

MINISTRIES

Karai Kasang a mungdan lam hta shang lawm ga

worshipicon

LA

Shinggyim wuhpawng hta kawa la a manu hpe lam amyu myu hku nna masat da nga ai. Anhte gaw kawa La ngu ai hpe chyum mungga hta matsun da ai zawn, Karai Kasang hpe hkrit hkungga tsawra chye ai, madu jang hte dinghku nta masha ni hpe mungga hte bung pre ai hku woi awn chye ai, dai hta n-ga makau grup yin jinghku jingyu ni hpe lam madun zinlum chye ai, tinang a amyu sai daw sai chyen ni hpe tsawra pawn ba chye ai hpe hkam la ai re.
“Hpri hpe hpri hte shadai lu ai zawn, Masha shada kanawn ai hte myit let wa lu ai.” Gashagawp 27:17
Ndai chyum laika daw hta matsun da ai zawn, anhte kawa La ni grai law hkra gaw nrai tim, shata mi hta kalang hkrum zup let Karai Kasang a mungga hta la kap nna, shada da shadum sharin, hpaji jaw, ngun jaw hkat nga ga ai. Wenyi lam hta n-gun ja wa ai hte maren tinang a dinghku lam hta n-shut n-shai woi awn lu wa ai. Dinghku ni hta zeng ai kawa la kaja ni law law pru wa ai majaw tinang amyu hte mungdan hpe mung lam woi ningshawng kaja tai wa lu nga sai.

youthicon

NUM

Nu num ni gaw nawku hpung hta ahkyak dik ai shara kaw shang lawm nga ai ni re. Chyum laika hta dai kasha madu Yesu wu dang ntsa jen hkrum ai shaloi nga taw ai ni gaw nu num ni rai nga ai. Dai hte maren Yesu hkrung rawt wa sai hpe shawng sa mu nna, sape ni hpe sa tsun dan ai mung nu num ni rai nga ai. Sasana labau ni hkan mung nu num ni grai ahkyak ai shara hkan shang lawm wa sai.
Anhte buga hpung na nu num ni mung Karai Kasang hte kazawn mazum ai lam hta grau ngang kang wa ai hte shada da lam shagu hta madi shadaw karum shingtau hkat wa lu na matu yaw shada nga ga ai. Shata mi kalang hkrum nna nawku daw jaw ai, mungga hkam la ai, sakse hkam ai lam ni kaw nna sharin achyin hkam la ai lam lu la nga ga ai. Dai hta n-ga, shada da akyu hpyi ya hkat ai, tinang a mahkrum madup hta hkan nna hpaji jaw hkat lu ai, mayak mahkak nga wa yang mung karum shingtau hkat lu ga ai.

childrensicon

RAMMA

Dai ni na nawku hpung ni gaw ramma ni rai nga ai. Buga hpung hta ramma ni shang lawm, ap nawng ai lam gaw manu mana ahkyak la nga ai re. Dai zawn re ai ramma ni hpe Karai Kasang a mungga hte galoi ma jahkru shakat ya na, shada da kazawn mazum ai lam hta grau nna magyep kap wa na, tinang a mayu htung hking hpe woi sharawt lu na matu ahkyak nga ai.
“Dai ni na ramma gaw hpawt ni na ningbaw ningla ni” re nga ai hte maren, Singapore du Jinghpaw Wunpawng ramma ni yawng gaw Karai Kasang a mungga hta la kap nna lam shagu hta kaba rawt sa wa na ga ai.
Laban shana de shagu hta  ramma hpawng hte shata mi kalang gaw ramma gin lung hpawng ni galaw nga ding rang rai ga ai. Ramma ni hku nna shata mi hta kalang “Ram Nsen” ngu ai shiga laika hpe mung dip shabra nga ai.

 


 

techmediaiconMUSIC

“Mung shagu Yehowa hpe kabu jahtau nga mu. Yehowa hpe kabu gara ai hte daw jau nga mu, Shi a man de mahkawn mangoi let shang mu.” Sk.d. 100:1-2
Karai Kasang hpe mahkawn mangoi ai hte nawku daw jau ai gaw anhte ni hpang gara nga ai lam rai nga ai. Tsaw htum ai Karai Wa hpe nawku daw jau ai lam hta mahkawn shakawn mayu ai ni gaw Yu tai, Yu run, Sen hkum hta shang lawm, shawa hku nna gaw Praise & Worship hta shang lawm, madum sumpyi chye dum ai ni gaw tinang chye ai hpaji hte ap nawng daw jau nga ga ai.
Choir hta shang lawm mayu ai ni kadai mung, bat kru ya shana shagu Choir shaman shakyang ai hta sa wa marit, hkap tau la ga ai. Laban nawku hpawng hta mahkawn shakawn mayu ai ni, madum sumpyi hpung (Band) de matut mahkai la mai ai.

evangelismiconMEDIA

Nawku hpung a sasana magam bungli hta mu na kyit hkai hpe jai lang let grau dam lada ai hku galaw mai ai aten rai nga ai. Karai mungga, shakawn mahkawn, Chyum laika daw ni hte buga hpung hta galaw nga ai lam ni hpe ndai website hta mai shang hti la nga ai. Nawku jawng a email, cloud-based PBX phone hte fax ni hpe mung sasana magam bungli hta akyu rawng ai hku jai lang asung jashawn hkam nga ai.
Mu Na Kyit Hkai a magam bungli grau masan sa wa ai hte maren professional video camera kaba langai hte video & audio editing galaw na matu computer jak langai mung mari jat la lu sa ga ai.
Nawku hpung a tara shang (official) Facebook page, Twitter hte YouTube channel hpe mung hpaw let, Karai a ningsang magam bungli hta jut shara mi kaw nna shang lawm nga ai law.

foodbankiconFOOD BANK

Cornerstone Fellowship believes that advancing God's Kingdom doesn't come through new ways of doing church, but through the ancient way — faithful preaching and contextualizing the unchanging gospel within a changing culture. Cornerstone teaches faith in Jesus Christ, God's only Son, as the only way to eternal life.

Kachin Baptist Church (Singapore) 
Address: Bethesda Chapel
27 Lorong Melayu
Singapore 416913
Phone: 65 6871 8715
Fax: 65 6871 8719
Email: info@kbc-singapore.org.sg

 

 

Email Us!

Your Name (required)

Your Email (required)

Subject

Your Message